Атам, апам жана мен

18-декабрь 2024-жылы спорт залда «Апам, атам жана мен» сынагы болуп өттү. Иш-чара ата-энелер комитети тарабынан мектеп администрациясы менен биргеликте уюштурулду.

Иш-чаранын максаты: мектеп менен үй-бүлөнүн ортосундагы кызматташтыкты чыңдоо, окуучулардын үй-бүлөлүк баалуулуктарга сый мамиле жасоосун калыптандыруу жана мектеп жашоосуна активдүү катышуу. Сынакка төрт үй-бүлө катышты: төрт ата-эне жана төрт окуучу. 0-6-класстын окуучулары, мугалимдер жана айрым ата-энелер көрүүчүлөр катары катышты. Иш-чаранын программасы төмөнкү сынактарды камтыды:

1.Саламдашуу

2.Ыр же бий

3.Кол өнөрчүлүк: жаңы жылдык сүрөттү түзүү

4.Жарыш

5. Комплимент айтуу

6.Интеллектуалдык суроолор

Сынактын жыйынтыгында биринчи, экинчи жана үчүнчү орундарды ээлеген катышуучулар таттуу белектер жана дипломдор менен сыйланышты. Конкурс үй-бүлөлөр менен мектептин ортосундагы мамилени чыңдоого, достук жана өз ара түшүнүшүү атмосферасын түзүүгө мүмкүндүк берди. Окуучулар жана ата-энелер чыгармачылыкты, биримдикти жана командалык духту көрсөтүштү.